Delawell - peeling godny uwagi (wersja śląska)

Hello!

Od poru miesyncy nie było nic po ślunsku, to żech dzisio postanwiła cosik naszkrobać. Wczora cało Silesia świyntowała i tak mie naszło. Nie wiym czy jeszcze kiero z Wos chce czytać, ale myślmym, że isto ja? Jak sie mylym to kopnijcie mie w rzić - przestawiym sie na polski.

Kapke chcym opowiedzieć o złotym peelingu marki Delawell. Prziznom sie,i że je to moi piyrsze spotkani z tom firmom, a z tego co żech sprawdziła, to je to ganc gabinetowy produkt.

Zawartość zawrzito je w takij pieknej krałzie na kierej namalowano oliwi z owsym. Przypomino mi to taki eko styl, choć som w sobie eko nim ma. 

Zacznym od składu, kiery napisany je na zadnim abcybiderze. Jak uż żech napisała wyzyj... som tu rozmańte olejki, kiere stanowiom fundamynty pod cukier trzcinowy jak i zwykły. Tako fajno miyszanka.

Zamiast tego momy olyj z pestek wingorn, wyciąg z owsa i olyj z arnoty. Arnoty nie znom i je to mój piyrwszy roz z tym krzokiym.

Na zdjynciu poniżyj chciałach pokozać, że tyn cukier dosłownie pływo w masnej bazie, wiync nawilżynia je tu pod dostatkiym.

Fest żech polubiła tyn peeling, bo nie muszym się mazać żodnym balsamym, a jak wylezym z wanny to prosto idym se legnonoć do zagrzotego wyrka.

Co do ściyrania to je moc. Sadmomaso poziom piyrwszy i mom to rada. żałujym, że nikaj nie spotkałach sie z tom firmom stacjonarnie, bo chcym se dokupić masło do ciała z tej samej linii, yno najprzód muszym zyzuc wszystki inne mazidła. Furt bych chciała kupować i kupować. Nałóg straszny, a pijyndzy.

Od razu zaznaczom, że produkt tyn je prezyntym od sklepu DobraRada, kaj możecie kupić tyż insze, fajne kosmetyki. Jo na razie powstrzymujym sie od skłodania zamówiyń, bo eszcze ni ma Matki Boskij Pijynżnej, a jo uż ni mom ani grosza. Wszystko, żech przepuściła... xD

Z tego miesca chciałach Wom podziynkować za słowa wsparcio. Som żeście kochane :*** Kryncyni filmików je ciynżki i rozumiym, iże nie wszyscy chcom mie oglondać. Jak sie nie podobo to na wyrchu je krziżyk - naciśnij i po problymie :D

Jak się rozkryncym to nagrom po ślunsku, obiecujym!

A teroz życzym Wom, cobyście se jynzyka nie połomały jak bydziecie to czytać, na głos. Inaczyj to ni mo synsu xD

Blanka