#2 Recynzja po ślunsku - Pat&Rub

Hello! (wiym, to je z amerykańskigo, ale je to ważny elymynt blog, tymu tego nie zmiyniym.)

W ostatnim miesioncu ukozała sie na łamach bloga piyrwszo edycja tego cylku. Tak Wom sie tyn pomysł spodoboł, że u zaś postanowiłach cosik naszkorbać.

Siedzym przed kompym i sama sie smiejym do matrycy jak głupio, co nie zmiynio faktu, że jak jadym do chałupy to nie mówiym po polsku, yno w swoij gwarze, kiero je bardzij zocno niż nie jedyn warszawiok.

Dzisio prziszło mje pokozać błyszczyk różany spod loga Pat&Rub  Kingi Rusin, kieróm nie za specjalni lubiym, ale kosmetyki mo całkiym fajne i podle mie som zacne. Szkoda jyno, że som taki drogi, bo za cyne jednego masła bez promocji mogłabych se kupić jednom pare trzewików. No ja, ale za eko trza słono płacić.

Żeby nie było, ze rozwalom piniondze na tak drogi rzeczy, to przyznom sie, że odkupiłach od KiziMizi za 10 zł. To była dobro promocja. Ola dziynkujym Ci :*

Błyszczyk zawrzity je w tubce, z kierej łatwo sie wyciongo mazidło. Cieszym sie, ze żodyn nie wpodł na pomysł, żeby zawrzić to w maluśkim słoju, bo byłoby to ganc z rzici i musiałabych tam grzebać pazurami :D!

Kinga Rusin ciśnie mi kit, że błyszczyk rozświetlo usta i je łagodzi. To je gówno prowda, bo na taki efekt nie pozwolo konsystencja, kiero przypomino mus. Na wargach tworzi takom delikatnom powłoke, co mie sie akurat podobo. Ni ma to jak błysk z zymbów Kena (ja, ja tego od Barbie). Podle mie rozświetlyni je wtedy kaj lotajom brokatowe pieroństwa, a tego nie lubiym i to fest ;/

Poniżyj możecie się podziwać jako wyglondo ja ustach. Zapomniałach Wom naszkrobać o zapachu. Jak nie lubisz różanego aromatu, to tyn produkt ni ma do Ciebie. Błyszczyk wali na kilometr starom babciom, co sie psiko wodom różanom :D! Mie to loto, bo wtedy se myślym, że jym ponczka z różanym nadziyniym. A tłusty czwortek sie zbliżo..

Chciałach Wom też napisać, że jeżech Gwiazdeczkom, kiero lubi świycić i je mi z tym dobrze. (tło do zdjynć je w gwiozdki, avatar tyż) Zawsze miałach parci na szkoło. Wyszło, że mom parci na matryce laptopowe, ale z tego też sie cieszym i dziynkujym, że chcecie zy mną tu furt być. To mie daje takom motywacje, ze pisani zrobiło sie mojom pasjom i dziyń bez posta je dniym straconym!

Jak mocie jakisik problymy to dejcie mi cynk. Uprzedzom, że w komyntarzach odpisujym po ślonsku i ni ma opcji, żebych sie przestawiła na polski.

Red Lipstick.