Recynzja w moim "ojczystym" jynzyku.

Hello!

Pewnie wiynkszość z Wos myśli se, że miyszkom w Krakowie. Je to mylne, bo tu yno studiujym, a w 100% jeżech Ślunzoczkom. Moja chałupa stoi  na pograniczu zderzynia dwóch kultur, Górnego i Cieszyńskigo Ślunska. Administracyjnie moja wieś należy do Hanysów, a godka je miyszankom ślunskigo, czeskigo i nimieckigo.

Pisać w tym jynzyku je ciynżko, bo ni mam na klawiaturze umlałtów i mom nadzieje, że mie zrozumiycie.

Dzisio pokożym Wom mój ostatni zakup, co za jakiś czas bydzie dostympny a Avonie i zaś nie wiym co do niego czujym. Niby je fajny, niby ni, a uż na pewno nie zdo się do całej gymby jak to je napisane.

Produkt nazywo sie "rozświetlający puder prasowany Ideal Luminous".

Piekne tłoczyni, kiere szkoda używać. Wszystko piekne, yno nie rozumiym jak można se takim różowym odciyniym wymazać całom gymbe? Jo nie chcym wyglondać jak babuć Pigi. Za to używani go jako różu je całkiym przijymne, bo pieknie i delikatni podkryślo lica, co daje efekt wymarzniyntego człowieka. Myślym, że też nikomu nie przindzie do łba, coby się tym wymazac po całości, bo byłoby to szpatne i niezocne posuniynci.

Na zdjynciu niżyj uwidzieć można złote, kapke świyconce pierdolinczki, co ni ma fajne.

Jak uż żech wcześnij napisała produkt je fajny jako róż, a nie jak to napisoł producynt. bo jymu ni ma co wierzyć. Puder tyn bydzie nowościom w prziszłym katalogu, wiync Wos ostrzegom.

Jak mocie jakisik pytani, abo jak żeści nie zrozumiały to dejcie znać w komyntorzach, przetłumaczym :)

Jeszcze jedno, nie smiyjcie sie i nie biercie mie za wiesnioka, bo Kaszuby teź swój jynzyk majom i żodyn sie z nich nie wysmiwo. W Krakowie mówiym po polsku i raczyj ni mom problymu z doborym słów.

Ta recynzja je bardzij ciekawostkom i od nastympnego posta bydym pisać normalnie.

Red Lipstick